吳浩康與郭思琳早前宣布雙喜臨門，女方已懷孕逾3個月。昨日兩人舉行婚禮，吳浩康感動落淚：「註冊好緊張，冇諗過咁緊張，都好多感動位，特別係我自己見到自己爸爸喺度，其實我都冇乜點停過喊。」郭思琳亦受老公影響喊埋一份：「我冇諗過會喊得咁犀利，我一見到佢喊我又忍唔住喊，佢太眼淺啦，我成日要安撫佢。」
雖然剛剛新婚，但郭思琳不諱言表示準備體驗婚後有幾「恐怖」：「我覺得有太多嘢要去學習，尤其是要學做一個好太太、好媽媽，同埋我和Deep嘅相處。呢個係人生課題，太多嘢要學。我都係啱啱新婚，暫時覺得我哋嘅相處係大前提。好多人話婚後係另一個境界，我都想快啲經歷吓，睇吓有幾恐怖，哈哈。」
被問到胎兒性別時說要保持神秘，吳浩康保持神秘未有透露︰「仔定女都會好鍾意，我都好期待。我哋依家專注喺第一個小朋友度先，因為都係第一次做爸爸媽媽，有好多嘢未知，好多情况要兼顧。」他又透露老闆楊受成會封大利市給BB，指老闆看著自己長大，照顧了他20年，是他的半個爸爸，得到尊敬的人祝福是很大的禮物。
