陳自瑤「離婚」 同黎諾懿玩三角戀
王浩信北上發展，老婆陳自瑤亦「不愁寂寞」，與羅子溢、黎諾懿主演無綫新劇《婚後事》，暫定4月中開工。陳自瑤飾演傭工公司老闆娘，與羅子溢離婚後，被大學同學黎諾懿追求，周旋於兩位型男之中。
《婚》劇是諾懿繼《刑偵日記》後再次演出的劇集，近日他留家抗疫兼幫手湊仔，他靦覥表示頭髮偏長兼輕微發福：「冇時間打理自己，忙過返工呀！早幾日細仔足百日，我哋喺屋企簡單慶祝，依家我又要搵嘢俾大仔小春雞玩，將屋企變身遊樂場，又帶佢去摸蜆。我太太坐月好多補品，連我都受益，依家開始會keep fit。」談到未來工作，他透露：「除咗拍劇外，我呢幾日已經復工，拍一個關於舌尖上消失味道嘅節目，同埋睇吓4月底可唔可以再監製多個節目。」
