蔡思貝、袁偉豪等出席無綫劇《廉政行動2022》宣傳活動，她坦言拍攝此劇最難忘的是一場喪跑戲：「喺觀塘爆咗幾條街一段跑街戲，加上要同鏡頭協調，所以都多NG。雖然跑到身水身汗，但好有滿足感。」首次參與廉政系列劇集的袁偉豪，也表示今次較多追逐戲。
—
網民近日重提袁偉豪以前講過：「我個銀包得嗰廿蚊，點夠膽追妳（周勵淇）呀？」他笑稱其實這句說話在內地社交平台一直很流行，網民留言或回應時間中就拿來用。他解釋為何當年會這樣說：「不過我講緊嘅係25、26年前嘅事，當時我仲讀緊書，搭地鐵遇到個靚女梗係唔夠膽追啦，大家有時唔需要太認真、唔需假當真，咁樣我都被搞到糊塗喇。」他指老婆張寶兒沒有因此不開心：「佢冇嘢，反而我未釋懷，希望大家高抬貴手啦。」
