林盛斌（Bob）近日主持的《360秒人生課堂》大受好評，不過最新一集的嘉賓Brian Cha車志健，卻被網民派嬲兼負評！
車志健成立Brian Cha Motivation，製作網上課程且為自己設立目標要成為全世界最有影響力、幫助最多人的廣東話激勵演講家，但經常於社交平台賣廣告等舉動，就引起網民反感。
不少網民指不會收看「會跳咗唔睇今集」、「講完一輪最尾凵你買堂」、「呢條友只係催毀你自信心，再洗你腦」、「Bob你瀨嘢﹗」等。Bob就回應說：「我知道有啲朋友會覺得佢好有爭議性， 佢鋪天蓋地嘅廣告有人或者會覺得好煩， 所以部份網民都好鍾意特別關注同招呼佢， 因此唔少人睇到宣傳片之後都有問我點解會搵佢？」
—
他說：「其實今次我哋嘅節目係一個演講類型節目， 同埋希望嘉賓嘅故事可以畀到觀眾一啲正能量， 我認識嘅Brian係一個好出色嘅激勵演講家， 而佢過去高低起跌嘅經歷亦都係非常有啟發性， 我幾相信佢嘅出現係會帶到一啲正面訊息畀大家。」
Bob又指Brian Cha一集中還有另一位猛料演講嘉賓，就是著名嘅電影編劇阮繼志先生，「眼淺嘅朋友記得尾段拎定兩張紙巾，我喺現場睇嘅時候真係頂唔順，好癲！」似是想淡化影響兼轉移視線。
—
