麥明詩有份主演的「亞洲心動娛樂」網劇《逐流時代》，日前劇情講述她與麥子樂激嘴後於天台「激戰」，為了拍出露股的感覺，麥子樂更只穿肉色底褲上陣：「我覺得拍呢類戲，通常男仔會比女仔尷尬同緊張，好彩拍呢場戲時，同明詩都合作咗一段時間，感情好好，我哋可以好好溝通，所以拍攝係順利，而且點到即止，一兩take就完成，不過我真係好尷尬，因為依家唔係去游水嘛，我淨係著住條底褲，現場鬼咁多人。」
麥子樂首次跟麥明詩首次合作，對她有讚無彈：「合作過後，我對她有啲改觀，起初我對佢觀感係好cool，但原來熟咗之後，佢份人都幾熱情，而且仲好好傾。」麥子樂拍過不少感情戲，自言熒幕前感情好豐富，笑言可能因為監製、導演知道他現實中感情無著落，所以給他很多感情戲。
—
