羅子溢、陳自瑤為新劇《婚後事》拜神，首次擔正做女一的陳自瑤，與羅子溢飾演離婚夫妻，失婚後戀上黎諾懿。她坦言第一次孭飛有壓力，加上劇本有大量情緒戲，經常都要激動和喊，試過抽離不到角色：「日前同諾懿拍咗場親熱戲，尺度都勁勁哋，開工兩個星期都幾大挑戰，角色情緒波動好大，好似成人喊咁，開心又喊、唔開心又喊，搞到都有啲抽離唔到，之前拍完一場情緒戲，第二日沖涼都忍唔住爆喊。」
羅子溢自言沒有抽離不到的問題，每日完成工作便拋開，因為屋企有仔女，回家第一件事是沖涼消毒。對於劇中有大量親熱戲，他指以唯美為主，其中一場思想出軌戲最難忘：「明明係同Yoyo親熱緊，但就要講我幻想對方係王敏奕。」他強調現實中未試過思想出軌，所以很難演繹。
—
