江嘉敏和陳曉華出席無綫劇《食腦喪B》宣傳活動，兩人不約而同整傷腳，陳曉華一拐一拐，江嘉敏更坐輪椅兼撐拐杖。江嘉敏自稱「傷腳二人組」，自己是傷左腳，陳曉華則傷右腳，兩人更同樣有份在新劇《回歸》、《曙光》飾演孕婦，夾都冇咁夾！
江嘉敏講述近日受傷後的情況：「可能郁動得多，所以情況仲嚴重咗，最慘係屋企電梯維修咗個幾星期，管理處好好，盡量幫我催緊。劇集拍攝暫時繼續以輕鬆戲為主，視乎我傷患嘅進度，睇吓需唔需要改劇本。最搞笑係我喺屋企，依家會忍到最後一刻先起身去洗手間。」
陳曉華就指現時右腳未能屈曲：「不過可以訓練到我慢慢行，做人唔好咁急，平伏心境。我諗可能個假肚負荷太重，都會影響腳傷。」
