一連12場的MIRROR演唱會昨晚正式開鑼，不過開騷前傳出消息，指總彩排安排混亂，意外頻生，更有dancer跌落升降台受傷，惹來一眾dancers極度不滿，在社交平台貼黑畫面以示抗議。MIRROR副隊長Anson Kong（江𤒹生）亦支持dancers，在社交平台貼限時動態：「每場表演你們都會使出渾身解數，在我們背後支持住我地，沒有你們，演唱會一定失色不少，在我心中，你們也是主角，我地有全港最優秀嘅舞者，一齊完成呢個show👊🏻」、「第一次係意外，第二次係大意，第三次係疏忽。」
晚上演唱會如期舉行，汪明荃、鄭裕玲等也到場睇騷支持。雖然總綵排期間有Dancers受傷，但是MIRROR 12子和一班舞蹈員依然落力演出。其中Frankie（陳瑞輝）發表的「隱形論」獲好評：「MIRROR 的隱形人是如何形式的，就好似被吸進黑洞，講慢一秒就會被隊友搶講，但唔講又話唔講，不過我都見過有對我的好評，讚我專業，訪問好笑，真心多謝大家。其實我出道時都有好多抱負，希望以歌影響到人及對世界有貢獻，但慢慢個人目標就變成MIRROR 的目標，自此我亦愈來愈迷失，冇咗自己。而MIRROR 愈來愈好，隊友好多工作，我就在家對住四幅牆等運到，加上爆發疫情，我窮到要借錢為生，後來質問自已與其浪費咁多時間擔心生活，何不做好自已！世界不停運轉，疫倩穩定後我亦多了工作，好感恩，亦令自己今年有返點希望，並希望大家好似我咁戒掉一個壞習慣，就係唔好信自己做唔到，面對挑戰時要首先不要放棄自己，並且要信自己，never say never，每一個MIRROR都等機會證明自己，在這裏希望向大家借樣東西，就係信心！」
