姚焯菲初嘗做DJ報天氣　錯漏百出可愛搭夠

姚焯菲初嘗做DJ報天氣　錯漏百出可愛搭夠「聲夢小花」姚焯菲（Chantel）近日頻頻宣傳新歌《BBF》，日前佢接受電台節目訪問，期間一時興起，突然代替主持人首次報天氣，惟佢一開聲即忍唔住笑，不但不停口窒窒，仲將原本一句「海有非常大浪」，講錯成「風有非常大浪」，另外一句「隨後一兩日風勢逐漸緩和」，亦講錯成「隨後一兩日勢逐漸溫」，場面搞笑。雖然密密出錯，但一眾DJ都照樣為佢拍爛手掌，Chantel亦佩服一班DJ口才了得，直呼報天氣比想像中困難：「如果我做DJ真係唔得！」姚焯菲密密出動宣傳新歌。近日佢上電台報天氣。雖然錯漏百出，但勝在夠可愛。照樣獲得其他DJ大讚。姚焯菲Chantel