百足咁多爪！陳奕迅自製土炮播音室 挑戰做一日DJ 歌神陳奕迅（Eason）近日宣布「復出」，將於本月（8月）19日開線上音樂會，大批樂迷直呼驚喜，佢更同時重新活躍社交網，密密拍片宣傳造勢，繼早前剖白自己都係小歌迷嘅心路歷程，今次佢就化身一日限定DJ，仲就地取材，隨手拎起電子鐘扮計時器，座枱燈扮Mic筒，電腦Keyboard扮調音控制台，迷你模型車扮調音按鈕，再加埋個無綫耳機及紅色大燈箱，成功土炮自製出一系列嘅「Eason On Air」仿DJ造型相，Eason仲交足戲，七情上面玩得勁投入！其實Eason喺2018年曾經限定開咪，一連三晚主持節目，當時仲連線好友楊千嬅隔空對話，吸引大批樂迷收聽，今次再重現DJ身份，令粉絲大讚回億番晒嚟。陳奕迅拍片宣傳線上音樂會。扮DJ！就地取材。用玩具做道具自製播音室。大影DJ造型相。勁投入。果然係大細路！陈奕迅
百足咁多爪！陳奕迅自製土炮播音室 挑戰做一日DJ
