黃嘉樂結婚｜新娘子Samantha 出門「褂皇」價值連城：二十多萬

黃嘉樂結婚｜新娘子Samantha 出門「褂皇」價值連城：二十多萬無綫藝員黃嘉樂今日(19/8)與圈外女友江惠賢(Samantha)正式拉埋天窗。今早黃嘉樂率領一眾「戥穿石」有「視帝」馬國明和「視后」唐詩詠，還有許家傑、李天翔、楊潮凱和林子善等藝人抵達九龍The Ritz Carlton酒店接新娘。Samantha雖然一身金器，有五對巨型龍鳳鈪及胸前的六 隻金豬，都不及身上所穿的裙褂耀眼。露裙褂的款式為「褂皇」價值二十多萬元。(ig圖片) ) Samantha向《香港0》透露裙褂的款式為「褂皇」價值二十多萬元：「本身裙褂都係本地工藝，又係人手嘅工藝，咁所以我哋都尊重個師傅，所以搵佢幫我哋親自設計。同埋佢好細心同我解釋呢一種褂係需要用到10個月至一年嘅時間完成，但由佢幫我度身嘅到完成，佢只係用咗7個月時間就幫我完成咗。同埋呢條裙褂同傳統嘅直裙好唔同，因為我想飄逸啲，咁所以佢幫我做咗散裙，出嚟嘅效果好靚好滿意。」Samantha透露製造「褂皇」需要10個月至一年時間完成。（陳順禎攝）