獨家丨敖嘉年主持《凝聚香港》唔怕被恐嚇 靠同行畀面游走幾個電視台@敖嘉年 近日為港台主持直播節目《凝聚香港》，相隔26年再返娘家，也是他繼入行第一個電視節目TVB《城巿追擊》後，再參與同類型時事直播式節目，令他回想起初入行的日子。雖然主持類型《東張西望》節目，但他唔擔心會收「姦斬令」等恐嚇，又認為疫境下靠同行畀面，才能游走幾個電視台工作覺得好感恩。採訪：杜杜 攝影：朱偉彥 髮型：Philip Lee@HAiR 化妝：Rigel Ng@Rigel’s Beauty Arts相隔26年再返娘家港台工作，嘉年感觸良多。嘉年1996年參加香港電台DJ訓練班入行，比起加入TVB更早，嚴格來說港台才是他娘家，不過是第一次跟電視部合作。再主持跟《城巿追擊》同類型節目，令他的回憶返晒嚟，「嗰時入行做《城巿追擊》外景主持，成日望住個廠有Do姐（鄭裕玲）同霑叔（黃霑）喺度背稿，覺得佢哋好叻，霑淑好鬼馬，Do姐仲教我讀Live V.O.，嗰時諗如果有一日好似佢哋咁，坐喺廠做主持幾好。」嘉年當年做《城巿追擊》外景主持，個樣仲係好嫩口。《凝聚香港》除了嘉年外，還有7位廠景及7位外景主持，不少是前主播及資深主持。做直播主持學識執生多年後終於夢想成真的嘉年，首做直播節目坦承相當緊張，幸好有一班前主播拍檔睇住，「全部都係第一次合作，同我睇電視佢哋報天氣、新聞冇唔同，開心跟佢哋學嘢，哈哈！」主持了近兩個月，令嘉年學到最緊要識得執生，特別是訪問嘉賓時，不能控制對方答問題長短，作為主持要識得拿捏時間。嘉年跟黃婉曼等拍檔首度合作，相當愉快。嘉年認為做直播節目主持，最難是訪問嘉賓時要控制時間。提到早前同類節目《東張西望》女主持收到「姦斬令」恐嚇，嘉年就認為《凝聚香港》內容鮮有爆料新聞，所以不太擔心，「我哋個節目唔係講緊嗰啲嘢，係講啲民生嘢，唔好打我呀大佬，哈哈！」不過他承認當年主持《城巿追擊》時，都有類似事件，「試過打嚟化妝間鬧又恐嚇，可能嗰時節目真係幾出色，有啲人唔鍾意咪打嚟鬧囉！但過後都冇事。」講到他近年可以游走幾個電視台工作，他認為自己冇特別能耐全靠同行畀面，「啲朋友真係關照，都冇諗過可以游走幾個電視台，真係福氣嚟，自己真係冇咩特別能力，所以一有工作會好珍惜，好感恩仲有工作，幾辛苦都做。」嘉年早前為開電視主持《嘉嘉醫療自助班》。嘉年早前拍了ViuTV新劇《野人老師》。敖嘉年
獨家丨敖嘉年主持《凝聚香港》唔怕被恐嚇 靠同行畀面游走幾個電視台
