【新劇拜神】
小豬比返學似分離班 陳展鵬買定士多啤梨氹女
視帝陳展鵬在將軍澳電視城為無綫劇集《童時愛上你》拜神，其女兒小豬比近日返學前班，他笑說：「係返『分離班』，尋日送佢返學，學校都嚴陣以待，入到班房好刺激，好多小朋友一喊，個女都有喊，場面好似有幾十個產婦喺度生BB咁，啲老師教送咗佢入去就走，唔好望返轉頭，都驚個女嬲我，惟有接放學買啲士多啤梨氹佢。」
講到劇集早前煞停修改劇本，「空降」加入劇組的陳展鵬則表示不太清楚修改前後，指戲中與張振朗、高海寧及糖妹有搞笑的四角戀，與首次合作的糖妹相當有火花，配搭不會沉悶，相信觀眾會看得有新鮮感。
