蔡卓妍返港急為愛犬慶生 容祖兒唱狗話贈興藝人蔡卓妍（阿Sa）早前憑真人騷《乘風破浪》於內地人氣急升，緊接拍攝綜藝節目《星星的約定》，忙過不停，近日佢終於返港，返到嚟第一件事即為愛犬月餅慶祝生日，佢喺社交網大晒多張同貓貓狗狗嘅合照，並留言：「幫月餅補祝生日，我老細s，掛死我喇真係」，見佢抱住寵物即露出一臉滿足嘅笑容，真係有貓狗萬事足！網民紛紛留言送上祝福，最搞笑係好友容祖兒（Joey），竟然用狗狗話，汪汪汪咁汪出生日歌：「汪汪汪汪汪汪汪汪汪汪汪汪汪汪汪汪汪汪汪汪，happy birthday baby 月餅」，夠晒創意！而阿Sa同寵物嘅合照亦令家中客廳曝光，見大廳設計簡約以純白色為主，牆身掛上風景畫並有儲物櫃放滿水晶，充滿藝術氣息，另一邊則放置咗魚缸及按摩椅，兼有落地大窗台，空間感十足。蔡卓妍返港為狗狗慶生。攬實狗狗唔放。相當滿足！貓貓一樣有份！容祖兒唱埋狗狗話生日歌賀壽。蔡卓妍容祖儿
蔡卓妍返港急為愛犬慶生 容祖兒唱狗話贈興
