首次去北京留倩影　吳若希狂呻吳業坤攝影技術水皮

首次去北京留倩影　吳若希狂呻吳業坤攝影技術水皮正身處北京夥拍藝人洪永城、吳業坤及戴祖儀等拍劇嘅歌手吳若希（Jinny），喺社交網上載新相並留言：「人家第一次去北京，第一次來天壇，打算用相機拍幾張美美照~結果相機交到坤哥手裏就直接GG了，歪的、閉眼的、沒準備好的、路人、構圖，沒有一張用得了。」並補上一句「全網公審吳業坤攝影技術」。Jinny、坤哥等遊覽天壇。難得上到天壇緊係要留影。（作品By坤哥）借問聲，呢個係咩Angle呢？！有路人甲乙丙丁入咗鏡呀！洪永城搞咩入鏡？！咁都捕捉到，勁呀！都未準備好就影，坤哥係得嘅！Jinny首次去北京拍劇。相中Jinny喺天壇前長樓梯又坐又企搔首弄姿擺甫士，但攝影師坤哥就下下捕捉到Jinny未準備好嘅一刻，一係就將路人甲都影埋入鏡，難怪Jinny咁激心要網絡公審坤哥。好友戴祖儀即留言表示歡迎Jinny加入公審行列，而坤哥亦似乎知衰，留言：「我影左4百幾張你可以再揀揀」，網友就留言回應坤哥：「你直接拍片等佢哋自己截圖呀嘛」、「你只有影坤嫂先最靚」、「應該叫祖儀影好過叫坤哥」，但亦有網友留言撐坤哥：「但我覺得影到好自然好靚喎！」、「唔錯啊，顯出獨有的性格，坤哥我撐你！」認真搞笑。吴若希