被指台慶亮燈同馮盈盈零交流　江嘉敏：有同佢講早晨！

被指台慶亮燈同馮盈盈零交流　江嘉敏：有同佢講早晨！藝人江嘉敏和袁文傑今日（27日）出席劇集《黯夜守護者》宣傳活動，談到昨日台慶亮燈活動時，江嘉敏與「死敵」馮盈盈只相隔兩個身位但完全零交流，江嘉敏解釋：「隔咗兩個身位點傾偈呀？我哋有打招呼嘅。（邊個主動打招呼？講啲乜？）見到人咪打招呼，冇話邊個主動嘅，有講句早晨呀，大家都有禮貌，大家都有打招呼嘅。（依家大家關係點？）一樣囉，我都講咗2、3年啦呢個話題，要答嘅都答晒啦，唔再講呢個話題啦，哈哈。」至於劇中飾演陳煒丈夫的袁文傑，表示劇情來到結局編，角色內心陰暗一面將更浮現。問到有否劉意有指他與今屆港姐參賽者邢慧敏撞樣？他笑言：「有呀，我啲朋友Send報道咗畀我話似喎。（你覺得呢？）我覺得我少少似佢囉，哈哈。」他指對方同是高人，遠遠已能留意到她，問到會否想與對方合作？他説：「個個都想合昨，最快睇吓《愛．回家之開心速遞》有冇機會，做潮偉個妹，『潮妹』」。江嘉敏話同馮盈盈關係冇變過！咁即係點？2人台慶亮燈零交流。袁文傑被指同邢慧敏撞樣。