入圍金馬獎影帝 張繼聰全屋冇人有表示藝人張繼聰昨晚（29日）出席自家品牌快閃店活動，今次是他們第二次辦同類活動，他表示吸收了上次經驗後，今次和拍檔已預留多點貨量予粉絲購買︰「上次反應好好，第一日就賣晒啲貨。（會開實體店？）同拍檔大家都有正職，暫時唔考慮住。」阿聰笑言與拍檔是以佛系方式營運，又不排除日後或會與太太謝安琪的服飾品牌合作。張繼聰唔考慮開實體店住，始終藝人先係正職！談到他憑主演電影《窄路微塵》首度入圍金馬獎「最佳男主角」，對手包括有「金馬常客」林家棟（《智齒》）及張孝全（《罪後真相》）等，他坦言能入圍已經很滿足，指每位對手同樣出色，皆是他欣賞及尊敬的前輩級演員，問到到時會否出席頒獎禮？他説：「本身10、11月工作已經安排咗，要等公司安排。（屋企人知道消息有咩表示？）冇喎，同平時一樣，其實莫講話佢哋，我當時為演唱會練緊歌，我收到訊息就呆一呆，之後就繼續練歌。」他指演唱會舉行在即，近來正全力作準備：「變番做學生，搵咗唱歌老師進修，因為唱歌方法都有更新。」他近日除了努力預備演唱會，還要為電影謝票及劇集作宣傳，坦言雖然忙但感恩，感謝大家給予肯定及機會。不過佢首度入圍金馬獎「最佳男主角」，竟然…冇人理……张继聪
入圍金馬獎影帝 張繼聰全屋冇人有表示
