【新劇拜神】

【新劇拜神】藝人孔德賢、陳嘉慧、謝東閔、黃嘉樂、韋家雄等，今日（6日）在將軍澳電視城為無綫新劇《本尊就位》進行拜神儀式。 為新劇日拍夜拍的男女主角齊齊捱到殘，孔德賢瘦了一個碼，陳嘉慧則一念倦容，面上出了不少粒粒，孔德賢說：「因為係民初劇，諗住瘦啲會好睇啲，加上開工休息、食無定時，所以瘦咗10KG（約22磅），啲前輩都話個個都係咁捱番嚟，希望自己嘅努力人哋都會睇到。」 嘉慧則笑言相當羨慕：「我都有瘦到，但係無佢咁明顯，個身瘦咗，但係塊面都仲係好腫，哈哈。」孔德賢於《本》中與謝東閔齊齊擔正，他接受訪問時表示：「首次拍文初戲，準備功夫做到好足，因為劇中好多關於宗教、道士、拜神儀式嘅嘢，我係拜神儀式帶領者，有好多四字詞語要講，所以真係準備功夫要做足，因為仲要有神態配合埋，所以要花好多心機去研究。」 孔德賢又表示將與陳嘉慧有感情線。謝東閔指開工雖然忙碌唔夠瞓，但與孔德賢、陳嘉慧等新配搭，也覺得很享受，他說：「自己第一次做主角，所以都好專注，付出120分努力，同埋最好係一路拍嘢一路瘦，唔使減肥。」過去不斷演奸角的謝東閔終於「改邪歸正」，他說：「今次終於唔使做Big Boss，自己好耐都未試過唔係做奸角，但仲有2套做奸角嘅劇《法證先鋒V》、《法言人》未出街。」 不過，他坦言被劇中的文縐縐對白考起，有不少NG出現。講到謝東閔指被劇中的文縐縐對白考起，出現不少NG，他說：「好彩我讀書嘅時候好鍾意背書，所以都順暢，但係啲對白真唔係人講，古時啲人就係咁講嘢。」 嘉慧則自言中文不好，但劇中要念不少詩詞歌賦，也要上網做功課了解意思。