陳自瑤讚囡囡有跳舞天分：佢想入行我都冇所謂！藝人陳自瑤今日（30日）出席慈善活動，落力向現場人士推銷義賣曲奇，反映相當熱烈，她說：「我自己好支持做慈善嘢嘅，之前試過帶囡囡去賣旗同賣米。其實讀書時我有諗過做社工，人生規劃係想專注慈善事業，如果要轉行嘅話，都有諗過去慈善團體工作。」她希望自己能夠幫助更多有需要的人：「今日好多大人畀錢小朋友捐，咁細個灌輸佢哋去行善好好，我自己都有咁做，我囡囡好梳爽，有時同佢商量捐贈，佢好肯捐錢，我反而有時覺得點解捐咁多，小朋友冇乜錢嘛。（會唔會叫佢日後做社工，還你心願？）最緊要佢鍾意，想佢自由咁成長，做佢鍾意做嘅嘢，如果佢想入行我都冇所謂。」她透露囡囡甚有跳舞天分，不過個性「Freestyle」：「佢叫佢去學，佢唔鍾意人哋逐步教，反而鍾意自學，睇片學得好快，我最緊要佢關心啫。」陳自瑤會畀囡囡自由咁成長。陳自瑤讚囡囡有跳舞天分陈自瑶
陳自瑤讚囡囡有跳舞天分：佢想入行我都冇所謂！
