JW向「破產」男友派定心丸：自信天長地久！

JW向「破產」男友派定心丸：自信天長地久！歌手JW（王灝兒）今日（6日）出席商場活動，和粉絲預早迎接聖誕節。她表示聖誕節也不會出外旅行，寧留在香港和男友及朋友開派對：「嚟緊好多嘢做，又要出新歌，明年頭又拍劇，同埋想出席樂壇頒獎禮，因為好少機會見番啲歌手朋友，之前我忙拍劇，冇機會見。」問到趕出新歌是否為頒獎禮中爭獎，她則稱一向都不計較獎項，只想唱歌，未來會嘗試做創作歌手努力作曲，之前J2台曾採用過她的作品，所以她會繼續加把勁，但自問中文水準較遜，只能填英文詞。至於無綫力捧「聲夢傳奇」學員如炎明熹，任暟晴，可擔心資源被分薄？她有信心謂：「唔擔心，公司好公平，我嚟緊都推出今年第三首新歌，我首《FF》仲攞咗三台冠軍添。」除對公司有信心外，和圈外男友拍拖6年，更自信會天長地久：「絕對唔怕『不婚就分』，我哋感情好穩定，未考慮結婚係因為我好多嘢想做，況且我想生bb先考慮結婚，畀多幾年時間自己發展事業先。」JW提早慶祝聖誕節。會點過呢？之前萬聖節合體！JW話絕對唔怕不婚就「分」。JW