超能使者︱劉穎鏇埋身肉搏極吸睛　陳展鵬扭傷腰

超能使者︱劉穎鏇埋身肉搏極吸睛　陳展鵬扭傷腰藝人劉穎鏇（Tiffany）於無綫台慶新劇《超能使者》顯身手，與歹徒肉搏戲份先後連環施展踢腳、飛踢、拳打等招數，吸睛度十足！Tiffany受訪時指拍攝時為應付最弱的High Kick，於不用埋位時便落力拉筋，好讓正式拍攝時能夠踢得更高更直，幸她的努力沒有白費，最終只NG了5次便收貨。提到拍攝期間要不停補妝遮掩手腳瘀痕，Tiffany則認為辛苦絕對值得：「記得第二日我成身都好痠痛，因為突然用咗啲平時完全冇練過嘅肌肉。雖然拍打戲係辛苦，但拍得非常開心，好多朋友都話估唔到我做到癲喪嘅一面，令我好有成功感。」劉穎鏇拍埋身肉搏戲！劉穎鏇要補妝遮掩手腳瘀痕。監製亦披露該劇的「救人」CG戲份拍攝苦況，如以「自主Fast Forward」演「靜止子彈戲」的陳展鵬，原本快鏡拍戲已不容易，但該場戲更要抱住童星以加快至少兩至三倍的速度，再連續來回喪跑數次，真的非常考體力，結果展鵬於拍攝期間一度扭傷腰。陳展鵬都落力拍攝！仲扭傷咗腰！超能使者陈展鹏