郭富城身癢想開紅館騷　冇投資電影否認係K先生

郭富城身癢想開紅館騷　冇投資電影否認係K先生影帝郭富城今日（10日）出席海洋主題珠寶概念店揭幕禮，熱愛揸船的他透露兩個女兒同樣喜歡海，故平時也有舉家出海，席間也有教女兒保護海洋生物，不要亂拋垃圾落海，說笑言否則不會接載她們返家。戴上黑超兼鑽飾的他，表示近年受太太方媛影響下，也開始喜歡鑽飾：「戴完覺得氣場都好啲！（成日送畀太太？）基本上生日都會送，兩個女都有嘅。（幫佢哋儲嫁妝？）唔知，呢方面交畀太太，佢依家30幾歲仲係年輕，可能會享受過程先，等到啲女大心態轉變，會同佢哋交換戴。」談到今年聖誕節，他笑言將秉承以往的傳統扮聖誕老人，幸至今仍未被女兒識穿。自2016年後已沒有舉行紅館個唱，他坦言現時踏上舞台也身癢癢，希望明年下半年能成事。至於有指導演翁子光獲K先生借100萬拍攝電影，他否認是K先生：「好直接，我都冇投資電影，我會以演員身份去支持，經理人清楚我，我交晒畀佢處理，佢知道點樣去調整同埋有共識，如果有新導演唔會用天價嘅片酬去接。」郭富城身癢想開紅館騷。郭富城否認係K先生！郭富城