對未婚不感焦慮 佘詩曼享受單身：我依家好幸福女星佘詩曼出名係單身貴族，至今依然未婚，近日佢亮相內地節目《麗人麗語》，有粉絲來信指自己45歲尚未結婚，如何面對壓力時，佢就表示生活過得快樂、健康先係最重要：「當然你話可以搵到靈魂嘅伴侶，或者係另一半同你生活，可能都係件開心嘅事，但係喺未搵到另一半嘅時間，你都可以做啲自己有興趣嘅事，無論係事業，朋友定係親情上得到嘅快樂其實都好嘅，唔需要話特別Focus喺婚姻上面。」佢更坦言對呢方面並冇焦慮：「我冇呢個憂慮，我可以好衷心話畀大家聽，我依家好幸福，我擁有健康，好好嘅家人，好多好朋友同鍾意嘅工作，我食得、瞓得、玩得，做人最緊要滿足，只要你覺得滿足嘅話就會幸福，至於Extra（額外）嘅嘢，係咪人哋有，我就要有呢？咁你自己衡量啦。」佘詩曼至今未婚。佢坦言唔需要特別Focus喺婚姻之上。又表明依家好幸福。唔結婚都一樣咁滿足。#佘诗曼#佘诗曼
對未婚不感焦慮 佘詩曼享受單身：我依家好幸福
