【01娛樂】馬國明否認明年結婚 急澄清：唔明一個想法會寫成宣佈!馬國明同一（14日）現身灣仔出席無綫電視五十五周年晚宴。對於日前有報道指他宣佈明年結婚一事，馬明開口澄清說：「其實嗰日個記者係有問我係咪想出年結婚，而我就話有個諗法係想出年結婚嘅，而且係會想選擇旅行結婚，但我唔明一個想法，佢哋就寫成我宣布出年結婚。講真我唔會揀喺啲台慶或大型騷宣布結婚囉，因為咁樣做，我覺得係好奇怪嘅。不過如果係適當嘅時候，我就真係會向外宣布結婚嘅。嗰個報道出咗後，搞到好多人傳訊息恭喜我。」原來係一場誤會 。被問到是否一個浪漫的人，會向對方進行求婚？馬明表示：「其實我唔係一個浪漫嘅人嚟，但我諗女仔都想要一個似樣嘅求婚儀式，但我都會做嘅。如果你問我有冇咩諗法，我真係未諗到，因為難度好高，同時女仔亦對有高要求。但如果要我揀求婚過程要一大班人還是個人，我就傾向個人多啲，可以再浪漫啲。」馬明今晚現身灣仔出席無綫電視五十五周年晚宴。（梁碧玲攝）kennethma马国明
【01娛樂】馬國明否認明年結婚 急澄清：唔明一個想法會寫成宣佈!
