炎明熹人氣爆燈 13歲自組女團參賽片段曝光「星夢女團」After Class以「人氣王」炎明熹為首，小小年紀嘅佢已經上過唔少舞台，佢除咗係《聲夢傳奇》冠軍》，早前上無綫同芒果TV聯手打造嘅音樂節目《聲生不息》兼喺內地爆紅，人氣真係有番咁上下。不過原來After Class並唔係佢人生入面第一個女團，原來佢早喺13歲時就同過同學仔組隊上台獻唱，跳唱歌曲《What Time Is It》。片中見佢仍然用真名「王佳恩」出賽，聯同另外3個女仔去Join流行歌唱比賽，一行四人着上長袖冷衫加格仔短裙又唱又跳，校園look青春洋溢，有別於依家出晒嘅嘅齊陰頭，4年前嘅佢中間分界兼留有一頭曲髮，可愛得嚟又有新鮮感，而佢嘅唱功就更加唔使講，細細個已經係巨肺級數，難怪個表演最後都拎好高分，台上台下一齊尖叫。炎明熹依家已經係上位小花，攞獎攞到手軟。13歲嘅炎明熹（左二）。難得見佢又唱又跳。當年已經好有女團潛質。當年唱功同依家一樣咁巨肺。炎明熹
炎明熹人氣爆燈 13歲自組女團參賽片段曝光
