台慶︱郭富城感激無綫重視舞蹈員 疑暗寸ViuTV無綫台慶夜壓軸嘉賓郭富城（城城），相隔8年「重遊」電視城，他直言相當懷念﹕「上次返嚟係2014年攞唱片銷量獎。我本身係1984年舞蹈組出身，今次台慶55周年有個向舞蹈組致敬嘅環節，好能夠表達承傳及鼓勵嘅精神，我返嚟見番啲同期同學及舞蹈組老神子，真係好開心，呢度畀到好多溫暖及同回憶畀自己。（返嚟拍劇？）我今次淨係返嚟表演，冇其他諗法嘅，不過我下個月先有電影開，已經相約舞蹈組老朋友去飲茶敍舊。」他又感激資深舞蹈組老師鍾浩多年來對自己的支持：「當年我轉去藝訓班，佢有叫我留低轉做排舞師，又同我講如果藝訓班唔適合，可以返番去舞蹈組，佢係我嘅後盾。」 對於有網民偷拍他一家六口飯敍，城城回應：「對方真係好冇禮貌，全程未經我同意，我有叫佢尊重吓自己，其實我係唔想佢兜口兜面咁影我兩個小朋友。」城城接受完訪問，劉穎鏇及鄺潔楹即攝位集郵，十分搞笑。郭富城重返無綫表演。郭富城與家人食飯被偷拍。郭富城梗係嬲啦！郭富城擔任壓軸表演嘉賓，帶領一班舞蹈員勁歌熱舞表演，跳到大汗淋漓的城城，指好記得自己在無綫跳舞組成長，一代一代將舞蹈傳承，感激一班前輩的教導，並特別敬重舞蹈訓練班的始創元老，逐一介紹舞蹈藝員訓練班的導師出場，足見無綫對舞蹈者的重視，無形中疑暗寸男團MIRROR出身的「友台」ViuTV，因為自紅館事故後，有關方面被狠批對舞蹈員不尊重，至今仍未就事件作出交代。城城跳到大汗淋漓。勁呀！點少得招牌動作！郭富城
台慶︱郭富城感激無綫重視舞蹈員 疑暗寸ViuTV
