陳展鵬演精神病發太入戲 崩潰「逃走」：唔舒服到想嘔！視帝陳展鵬於台慶劇《超能使者》中演技超班，尤其昨晚（18日）精神病發的一幕，不少網民都指他大晒視帝級演技，展鵬今晚（19日）於台慶夜中受訪時謂：「都估唔到喜劇會有咁大逆轉，睇到啲評語都好開心，拍呢套劇時都辛苦，情緒起伏好大，試過拍拍吓要走出廠。（有冇信心再奪視帝？）最緊要拍出嚟觀眾覺得有新鮮感，觀眾眼睛係雪亮嘅！」問有否信心撼贏《下流上車族》時，展鵬就表示希望會有好成績。而昨晚《超能使者》播出的一集中，「阿鏈」陳展鵬為免忍不住殺太太而選擇跳樓輕生，未料禍及前來勸阻他的「Q姨」唐詩詠，雙雙從高處墮下，期間竟意外治好陳展鵬的精神病，身受重傷的唐詩詠盡最後一口氣，以「治癒奇能」超能力救對方。陳展鵬雖然保命，但驚見唐詩詠已返魂乏術，在呼天搶地一刻，時間奇蹟地倒流至她墮地前數秒，令他可及時將浮在半空的唐詩詠抱緊，成功令對方「死過翻生」！劇情峰迴路轉，不少網民驚嘆夠創意並直言：「展鵬視帝有機！」談到演繹「阿鏈」這角色，陳展鵬坦言從未試過拍戲拍到崩潰要「逃走」：「有幾場戲我拍完係要走出去，好似有密室恐懼咁，直頭演到唔舒服想嘔。記得擸刀嗰場，我要唞一個鐘，先可以返去繼續拍，好感激同事體諒。嗰段時間都影響到生活，不嬲我條『污水渠』幾暢通，平時收工情緒都OK，但演呢個角色就塞塞哋、抽離唔到，拍思覺失調嗰幾日返去係瞓唔到。」他續說由於角色情緒極端，最大難度是拍完失常戲後，又即要轉換心情拍搞笑戲，故認為《超》是從演以來花最多心力拍攝的劇集。對於近日全城競猜誰是Final Boss，有網民猜貪錢的「阿鏈」最終會變節，展鵬笑道：「一個人去到咁偏鋒就咩都有可能，嚟緊阿鏈經歷谷底後仲會有個大逆轉！」陳展鵬於台慶劇《超能使者》演精神病發，大晒神級演技。對於被網民力捧做視帝，佢就謙虛表示希望會有好成績。陈展鹏
陳展鵬演精神病發太入戲 崩潰「逃走」：唔舒服到想嘔！
