全城捕獲郭富城！宋宛穎陳庭欣脫穎而出成功集郵天王郭富城（城城）擔任無綫台慶夜壓軸嘉賓成為全城熱話，觀眾睇得興奮之外，現場一班無綫藝人一樣High到爆，個個都希望親近天王，把握機會集郵！不過並唔係個個都咁好彩，一班「幸運兒」幾經辛苦，先可以喺過百名同事中「脫穎而出」爭得合照機會，當然要將合照放上網呃Like，其中同樣擔任司㦠嘅兩位港姐冠軍宋宛穎及陳庭欣，近水樓台先得月完騷時成功集郵拍得單獨合照。至於同樣係司儀嘅麥美恩就冇咁好彩，只能夠聯同司儀團隊孖城城影大合照，但佢照樣裁走其他人自製2人合照，佢笑指：「嗰一刻個世界只有我兩，忍不住的興奮，Aaron正到呢！」不過一班小花都唔及陸浩明犀利，同城城搭晒膊頭兼頭貼頭，絕對係當晚「大贏家」。合照一出，即令唔少同場未能集郵嘅藝人，包括江嘉敏、蔣家旻等直呼羨慕又妒忌。全城集郵郭富城，陳庭欣成功！宋宛穎一樣得咗！最Close係同陸浩明。麥美恩只得多人合照。只好自己加工後製單獨合照。宋宛颖陈庭欣
全城捕獲郭富城！宋宛穎陳庭欣脫穎而出成功集郵
