【01娛樂】劉愷威與內地女星李曉峰拍拖 劉丹唔敢同孫女講：佢爹哋返嚟先講劉愷威早前被影到與內地女星李曉峰十指緊扣現身北京機場，大方宣佈有新戀情，劉愷威回應傳媒時，表示與李曉峰相處很夾，完全難掩蜜運中的喜悅。劉愷威大方承認戀情。（劉愷威微博圖片﹑李曉峰微博圖片）劉愷威﹑李曉峰最近傳出緋聞。（微博圖片）今日（22/11）劉丹出席《愛回家之開心速遞》的宣傳活動，接受《香港01》訪問，首次回應兒子劉愷威的新戀情，丹爺對於愷威有新女朋友大感開心，笑到見牙唔見眼表示：「期望咗呢一日都期望咗好耐，終於等到有好消息啦，頭先啲朋友都問我，嘩你呢幾日，個啲笑容特別燦爛左。」丹爺就透露暫未有機會見吓曉峰真人，不過好滿意曉峰！（梁碧玲攝）不過丹爺就透露暫未有機會見吓曉峰真人，不過愷威有發戀愛照給丹爺看。至於愷威的新對象，他就十分滿意：「我個仔滿意，我就一定滿意，而家睇佢個樣都非常之開心啦，我當然戥佢開心啦。」被問到會否希望他們成家立室再生過孫仔時？丹爺就話隨緣啦：「一切隨緣，佢哋自己做佢哋鍾意做嘅野，咁我哋都係只有支持佢，所以唔會參加咩意見。」丹爺唔知新年可否見到凱威帶女朋友返嚟過年。（梁碧玲攝）至於劉愷威與前妻楊幂所生的女兒小糯米，暫時未知爸爸已有新戀情，丹爺希望由愷威親自向女兒交代：「未講啊，我本來想講，但係糯米嫲嫲就話，不如唔好講啦，等佢爹哋返嚟自己講，咁我又係喎，爹哋同佢講就仲好啲，因為我而家同佢講，始終我都係另外一個人，可能講到佢哋都唔係好明白咩事，咁不如等佢爹哋返嚟先講，咪仲實際啲親切啲！（你覺得小糯米聽到會有咩反應？）扭計就應該唔會㗎喇，應該都係開心㗎。」小糯米未知爸爸有新歡，丹爺希望愷威親自向女兒交代。（梁碧玲攝）另外，被問到新年劉愷威會否帶新歡返港探親？丹爺皺晒眉頭表示：「愷威我就知道佢過年前應該做晒啲嘢，佢就可以返到嚟，咁佢女朋友而家仲，仲有咩工作未做得完呢，咁唔可以劈低啲工作唔做就返嚟，咁要等佢一齊做完，能夠計唔計算得到啲時間咁準呢，咁我就唔知啦。」刘丹刘恺威
【01娛樂】劉愷威與內地女星李曉峰拍拖 劉丹唔敢同孫女講：佢爹哋返嚟先講
