鄭伊健自嘲唔識浪漫 扮失憶忘記向太太唱冧歌正在紅館開騷的鄭伊健今日（24日）到尖沙咀出席慈善活動，打破藝人開騷要閉關的慣例，伊健在紅館共開9場演唱會，還有剩餘4場，直言好攰，今晚也要開騷，他稱此活動因為疫情3年來沒有舉行，笑言紅館距離好近，故可以過來出席，對於司儀谷德昭爆伊健私下經常捐錢做慈善？他說：「做開就做，好多藝人都有幫。」已開了5場演唱會，餘下4場，不敢言攰，他說：「因為未完騷，好開心個反應，會儲能量完成，唔敢諗去旅行住，否則就無心機工作。（老婆蒙嘉慧專登由日本返港睇騷？）應該啦！呢幾年有佢喺我身邊，因為我唔識安排其他嘢，由佢幫我，又陪爸爸睇騷，都係靠佢。」問到他在演唱會上向太太唱冧歌，伊健即扮失憶：「唔記得咗囉！唔係老婆扭計要唱，演唱會咁開心，喺Encore時自肥吓，可以做自己想做嘅事。（私下有冇唱冧歌？）唔好講啦！平時都少唱歌少打機。」笑言是不懂浪漫的人，但與老婆相處這麽多年好開心。完成演唱會之後，他計劃打機、飲啤酒、約朋友食飯和燒嘢食慶功，表示想去郊外燒烤：「自己後花園燒烤不是那回事，我想用燒烤叉叉雞翼。」鄭伊健開騷前嚟出活動。鄭伊健自嘲唔識浪漫。鄭伊健扮失憶忘記向太太唱冧歌。郑伊健
鄭伊健自嘲唔識浪漫 扮失憶忘記向太太唱冧歌
