蔣家旻為健康甘棄名利 自覺奪女配無望藝人蔣家旻（Angel）憑《美麗戰場》的「反骨琪」，令觀眾又愛又恨，有望憑問鼎《萬千星輝頒獎禮》「最佳女配角」，她表示無想過大家咁鍾意她演奸角：「我出場時大家話我死得未及好衰，但我走咗後又話好掛住我，想我番嚟搞事，我都想大家對我又愛又恨，好有滿足感。」她知道有網民好想她奪女配，自己只有信心入五強，及希望劉佩玥也入視后最後五強便最開心，心目中的視帝她心儀「一言Sir」陳山聰。蔣家旻今次咁「反骨」，佢都話唔望有獎。淨係想其他人拎獎。入行15年的Angel，電視台是她第一份工，一直慢慢捱到今日，以前會執着際遇，佔了她人生好長時間，現在心態轉變，及會時刻提醒自己，故對獎項心態好隨緣：「十幾年都好執着工作和位置，放事業喺第一位，覺得錢多地位高就好，但年紀愈大，身體出問題，依家有偏頭痛和濕疹，覺得工作和生活平衡好重要。」入行15年，佢依家身體出事…所以佢唔再只為錢同地位而努力。蒋家旻
蔣家旻為健康甘棄名利 自覺奪女配無望
