黃宗澤黑化留伏線拍《法證6》　蔡思貝等挑戰性角色爭獎

黃宗澤黑化留伏線拍《法證6》　蔡思貝等挑戰性角色爭獎藝人黃宗澤（Bosco）、蔡思貝、蔡潔、王敏奕等，今日（3日）到深水埗出席無綫台慶劇《法證先鋒V》宣傳，與該區小朋友大玩遊戲。談到該劇近日於內地播出大結局，Bosco角色黑化似留伏線，他受訪時表示曾為結局安排上問監製：「之前都拍咗幾個結局版本，有邪笑亦有爆喊，冇諗到最終揀咗呢個留伏線版本，如果第時開《法證6》有得留低，我梗係想參與，有工開喎！」劇中與苦戀袁偉豪苦戀的思貝，則坦言現實中未能接受該類關係，對於她憑該劇角逐視后，問到她是否已開始拉票？她說：「都係順其自然啦！今年都好多話題劇，希望可以百花齊放，等將來有更具挑戰嘅角色先再爭獎。」問到Bosco心水視后？他即抵死說：「當然係投蔡潔，佢尋晚大露背咪係『視後』囉！播嗰時我食緊飯，即刻影咗佢個胳肋底Send畀佢睇，簡直靚到想食多2碗飯，結果她回我中指！」黃宗澤同蔡思貝現身。蔡思貝希望將來有更具挑戰嘅角色先再爭獎。黃宗澤心水視后係蔡潔。黄宗泽蔡洁