唐詩詠曾遇潛規則 玉背失守慘被掃勻視后唐詩詠早前宣布離巢無綫，近日佢亮相好友楊詩敏（蝦頭）及連詩雅（Shiga）主持嘅網上節目《絲打圍爐》，自爆曾因拍劇壓力爆煲，搞到身體出現毛病，包括突然生濕疹、出現脫髮問題、髮線上移以及尿頻等，佢坦言壓力問題係決定離巢嘅原因之一：「除咗壓力好大之外，我覺得身體真係差咗好多，呢兩年我係冇休息過，入行初期我試過一年（拍）四套（劇集），當時接受到。但近兩年再拍一年四套，我發現返唔到去個狀態。」並透露想有更多屬於自己嘅時間，又表明想同唔同嘅人合作。唐詩詠透露拍劇壓力爆煲，導致身體出現毛病。故決定離巢無綫。而講到做女明星嘅辛酸史，蝦頭分享演舞台劇時曾遭遇鹹豬手，唐詩詠即表示都有遇過類似經歷，憶述當年20幾歲仲未入TVB，於一次選角面試中，有位坐喺佢對面嘅幕後人員突然企到佢身旁，對佢上下其手，邊撫摸其玉背邊指：「係啦，所以你都諗吓啦，你想唔想做呢個角色呀……」幸好唐詩詠即時執生，立即側開身體並婉拒：「係喎，我問下媽咪先！」佢又自爆入TVB前曾遭潛規則。被幕後工作人員睇中落手。玉背被摸勻。好彩當時識得搵藉口立即抽身。唐诗咏
唐詩詠曾遇潛規則 玉背失守慘被掃勻
