聖誕開工讚好 郭柏妍想洗「魔音芊芊」惡名藝人丁子朗與郭柏妍今日現身足球活動，丁丁笑言不擅長踢波，但擅長睇波，由於正在忙拍劇集《妳不是她》，他只能趁休息空檔跟劇組看世界盃球賽，但氣氛不錯，提到早前他確診新冠肺炎，他說：「之前的確係有啲唔舒服，期間都停咗廠消毒，所以都要趕啲進度，希望趕及聖誕前拍完可以放假。」而郭柏妍則希望聖誕有工開，並不介意在商場活動中唱歌，希望一洗「魔音芊芊」之名：「依家一有咩事，爸爸林敏驄就話叫我唱歌，嚇到媽咪江美儀話唔使，搞到屋企支離破碎。」另外，兩人繼《下流上車族》後再度在新劇《奪命提示》中合作，劇中飾演警花的郭柏妍表示同劇演員都有演出紀律部隊的經驗，個個入型入格，自己要努力跟上大家步伐：「我要學揸槍又要學翻筋斗，好多嘢要學。」丁子朗依家拍劇要趕進度。因為之前佢唔舒服，休息咗一排。郭柏妍要繼續唱歌呀！連江美儀都嗌驚，叫佢唔好…#郭柏妍#
聖誕開工讚好 郭柏妍想洗「魔音芊芊」惡名
