鄭嘉穎揭陳凱琳原來咁大食：唔係我冇畀飯佢食呀！視帝鄭嘉穎早前宣布即將再做老竇，老婆陳凱琳（Grace）第3度懷孕，引起全城熱話。而不時喺社交網分享生活點滴嘅佢，日前就晒咗一條佢同Grace拍拖食飯嘅片，睇到成日畀人話太瘦嘅Grace，原來平時食量係咁大，網民都話估佢唔到呀！片中嘉穎發揮寵妻狂魔本色，所有點餐都畀老婆話晒事，雖然嗌到成枱都係嘢食，但最後都被老婆霸住晒嚟食，搞到佢冇得食囉！佢忍唔住話：「老婆明明是個小鳥胃，還老打我主意，你們老說她那麼瘦，是不是我沒給飯她吃，明明是她把我那份都搶了，我才是那個沒飯吃的。」其實Grace都冇待薄嘉穎嘅，佢見到嘉穎冇嘢食都遞咗碗拉麵畀佢，氹到嘉穎好開心咁話：「算你還有點良心，平時沒白疼你，這樣想想，其實老婆還是對我挺好的。」嘉穎呢次拍片唔介意話畀大家知，佢同老婆嘅家庭地位係女尊男卑，係名副其實嘅寵妻狂魔，令網民都感到好羨慕呀！點餐畀陳凱琳話晒事！成枱都係嘢食！但係鄭嘉穎就冇份食！最後陳凱琳遞咗碗拉麵畀鄭嘉穎食！即刻開心晒！郑嘉颖陈凯琳
鄭嘉穎揭陳凱琳原來咁大食：唔係我冇畀飯佢食呀！
