超能使者︱陳展鵬「預知」攞劇集獎 陳山聰豪言裸跑造勢《萬千星輝頒獎典禮2022》投票進入倒數階段，唔少入圍者都出盡力拉票，呢日大熱之一嘅台慶劇《超能使者》一班演員亦集結拍片造勢，仲重演戲中橋段，當中陳山聰「膠勇」上身，同「高守」林子善一齊用超能力預知未來，閃出《超》將大滿貫，不但奪得「最佳劇集」，仲話陳展鵬同唐詩詠封視帝視后，林子善攞「最佳男配角」，劉穎鏇就攞「女飛躍」，而陳山聰更自爆屆時會裸跑，似乎暗示若攞獎將會裸跑慶祝！與此同時，陳展鵬亦有化身「阿鏈」，再玩神預言，不過身為視帝大熱之一嘅佢，反而轉移陣地，「預知」《超》奪「最佳劇集」，集中火力為劇集拉票。超能使者出動玩「預知未來」！預言陳展鵬同唐詩詠再封視帝視后。陳山聰自爆會裸跑！記住找數！陳展鵬一樣施展「超能力」！預測賽果！集中火力為攞「最佳劇集」拉票。陈展鹏
超能使者︱陳展鵬「預知」攞劇集獎 陳山聰豪言裸跑造勢
