「最美星二代」林愷鈴港大畢業　感謝媽媽龔慈恩成最強後盾

「最美星二代」林愷鈴港大畢業　感謝媽媽龔慈恩成最強後盾龔慈恩愛女、有「最美星二代」之稱嘅林愷鈴（Ashley）邊讀書邊發展演藝事業，2018年更考入香港大學建築系，今年畢業嘅佢近日行畢業禮，並於社交網上載一系列畢業靚相，見媽媽龔慈恩都有前往支持，兩母女溫馨合照，佢更大讚媽媽係最強後盾，又留言大講畢業感言：「『學海無涯，回頭是岸啊～』喺我讀緊建築嘅四年中，我經常對自己講呢句說話，不過講還講，我最後都係讀到得返半條人命。我想這大概就是建築精神吧。不過建築的確教識咗我好多嘢……最重要嘅係，建築教識咗乜嘢係堅持、執着。佢係我最迷失嘅時候帶畀我信心，亦係我驕傲嘅時候教識我點樣面對rejection。最後，我想多謝與我一路同行嘅老師、同學，多謝你地包容我『半工讀』 嘅crazy schedule，多謝你地忍受我嘅固執+完美主義+Terrible time management，多謝你哋相信我無論幾忙碌，我對建築一樣都係咁認真。」林愷鈴行畢業禮。多謝媽媽做最強後盾。大談畢業感言。直指幾辛苦都不減對建築系嘅熱愛。