林敏驄成為民選視帝當已贏咗：最唔鍾意同人爭今年《萬千星輝頒獎典禮2022》視帝之爭，戰情激烈，一眾入圍藝人日前為TVB拍攝宣傳照，被視為熱門之一的林敏驄，對於有不少網民指他是民選視帝，林敏驄笑言：「贏咗喇！（有指陳山聰同陳展鵬都好有機會喎？）吓，民選都有對手？咁比佢哋囉！我最唔鍾意爭，一爭就唔要。」對於陳山聰今年有六套劇推出，對視帝獎項看似志在必得，林敏驄亦笑言：「咁比佢啦，佢需要啲，同埋佢真係好努力嘅，我都想畀佢。」林敏驄成為「民選視帝」。林敏驄神回：「人地唔要，我要嚟做乜？！」「雙陳」大讚驄哥在《下》中演出超班。陳展鵬在《超能使者》的演出獲讚賞。至於陳山聰以及陳展鵬則齊齊受訪，兩人先讚林敏驄演技超班，之後就兩兄弟互相為對方拉票，陳展鵬仲話山聰有6套戲推出，不同角色有不同特質，選擇甚多，於劇集《超能使者》的鄉音比林敏驄更犀利！馬國明撐山聰。陳山聰今年有6劇推出，絕對多產！馬國明受訪時第一句便笑言：「所有《白色強人II》嘅入圍都會支持！」他亦指今年候選視帝個個都是他的朋友，其實都難揀，支持《白色強人II》之餘，他亦笑言私底下支持陳山聰。陳豪亦表示睇好驄哥獲獎。雖然不少藝人撐陳山聰奪獎，不過，陳豪則指自己曾看過《下流上車族》覺得林敏驄演得好好，形象令人很深刻，所以他沒幫自己拉票，反支持林敏驄，並笑言：「我好公平嘅。」我撑林敏驄 
林敏驄成為民選視帝當已贏咗：最唔鍾意同人爭
