齊人為陳嘉寶慶生當街喊　蔡思貝陳瀅變嫌疑人

齊人為陳嘉寶慶生當街喊　蔡思貝陳瀅變嫌疑人藝人陳嘉寶（Anjaylia）本周日（8日）啱啱過咗33歲生日，佢同一班閨蜜團「SÏXTERS」蔡思貝、陳瀅、Cheronna（吳嘉熙）、賴慰玲同何雁詩都去咗慶生，難得可以咁齊人，佢哋都揀咗低調gathering，早兩日僅出吓story畀大家睇，去到尋日（12日）先得賴慰玲一個出Post晒合照。佢就提到今年為姐妹慶生就冇搞驚喜，亦冇人宣布大肚，不過都有切蛋糕happy吓。蔡思貝（右一）着得最吸睛。賴慰玲笑言今年冇人宣布大肚。不過最sweet嘅係，佢哋成班仲好有火，衝咗入附近一間酒吧入面嗌咗6個shot，傾到唔願走嘅佢哋，仲畀位醉咗嘅路人贈咗句：「30年後都要做好朋友呀！」賴慰玲即大爆其中有人就忍唔住喊咗出嚟添，搞到網友係咁估到底邊個咁感性。不過當日以火紅露腰又露腿裝示人嘅蔡思貝，就留言笑問咁佢哋31年後點算，非常搞笑。係sweet嘅。仲爆料有人當街感動到喊。友誼長存。