黃嘉雯親手為愛犬美容 鍾柔美帶阿大出巡威盡藝人黃嘉雯（Carmaney）與鍾柔美（Yumi）今日（28日）為J2節目《超級毛特兒大賽》進行面試，兩人分別帶同愛犬Doxy及茶茶現身，Carmaney透露愛犬兩歲時被她領養：「佢以前好驚人同狗，我養咗佢之後經常帶佢出門，依家佢完全唔驚人。（有冇諗過養多隻？）都有諗過，但養狗係要好多時間同心機，花費又多，病咗又要帶佢睇醫生，所以專心養好一隻。」她稱曾學過寵物美容，故會親自為愛犬剪毛及沖涼，絕不假手於人。黃嘉雯（左）學過寵物美容，湊狗仔冇問題。黃嘉雯又話自己只會專心養一隻狗仔。至於Yumi家中養有七隻狗狗：「佢係最乖，佢唔驚人，好鍾意黐人又嗲，所以帶佢過來，佢可以同人交際吓。（社交方面你同佢邊個叻啲？）梗係佢叻啲。」她稱茶茶是她養的第一隻狗，第二、三隻狗是親戚所送，後來又生了四隻狗BB：「本來我已經諗好晒將啲狗BB送畀邊個朋友，我係負責接生，我又睇住佢哋大，所以我好唔捨得，最後無畀人。（你要湊咁多隻狗好忙？）都係，但好在有工人姐姐同家人一齊幫手湊，我盡量有時間會陪狗狗玩。（茶茶會唔會爭寵？）佢係大佬，其他會驚佢。」Yumi（右）屋企仲有成七隻狗仔，堅！Yumi更加有份為愛犬接生。#黄嘉雯#钟柔美
黃嘉雯親手為愛犬美容 鍾柔美帶阿大出巡威盡
