關心妍瞓身搞慈善基金 預告4月開演唱會散播正能量歌手關心妍（Jade）為音樂晚會擔任表演嘉賓，透露正為其成立的慈善基金籌備演唱會，預計將於4月舉行，寄望下月能落日子及場地事宜，她說：「基金第一次搞演唱會，都係舉行一場，預計唔會籌到好多錢，不過希望透過音樂令大家有番活力同埋愛，我發現完咗疫情，好多人都失去咗心靈同埋盼望，所以希望喺舞台上畀多啲正能量大家。」Jade不諱言於香港營運基金有一定困難，要不斷揼錢，就連自己平時出席活動的歌酬也全數奉獻基金經費上：「平時我唔會亂咁使錢，要買嘢都會先衡量，亦都有教個女，利是錢可以點樣用，好似最近土耳其地震，我都有教佢捐錢出嚟幫忙買物資。」談到情人節將至，Jade表示已答應女兒當日先一起去夾公仔，之後一家人吃燒肉，故預計沒有二人世界：「過幾年個女大啲，就未必同我哋一齊過，所以同老公有共識，呢幾年會一家人一齊過情人節。」而打頭陣出場的汪明荃則穿上紅色禮服，非常搶鏡，一連獻唱《萬水千山總是情》及《勇敢的中國人》為活動揭開序幕。關心妍現身音樂晚會，預告其慈善基金會將舉辦演唱會。佢坦言將所有歌酬都投放入慈善基金。為善不遺餘力。同場有汪明荃打頭陣做表演嘉賓。关心妍
關心妍瞓身搞慈善基金 預告4月開演唱會散播正能量
