黎諾懿撐黃心穎復出：希望大家畀機會佢！林泳淘今日（13日）在黃埔舉行藝術展為流浪貓狗籌款，黎諾懿、朱智賢、陳婉衡、梁茵、楊梓菁等到場支持。展出多幅畫作的林泳淘被問到畫了多久？她說：「自己由細到大都好鍾意畫畫，自從離開咗TVB之後多咗好多時間，自己亦重拾番呢個興趣，都會問吓老公意見，自己都會接受批評。」黎諾懿指與林泳淘是同一個健身教練，加上覺得活動有意義，故前來支持。問到他可有畫畫天分？他笑說：「我絕對冇藝術天分，大仔亦遺傳咗我，到依家畫畫都淨識畫火柴人，做勞作都係暗黑係作品，佢天分可能喺運動方面，惟有寄望細仔有藝術天分，希望一文一武。講到黃心穎復出在情人節自資出歌，諾懿指近年與她也少見面和聯絡，但也支持復出，他說：「佢都沉澱咗一段時間，相信諗得好清楚先決定出返嚟，希望大家畀機會佢。」與心穎屬同屆港姐的林泳淘指大家也沒聯絡，她說：「我都好支持，佢出番嚟面對大眾都有一定壓力，佢可能都跨越咗呢個難關先出返嚟。」林泳淘開畫展。黎諾懿力撐黃心穎。大合照～黃心穎冇預警出MV。黎诺懿
黎諾懿撐黃心穎復出：希望大家畀機會佢！
