李彩華布拉格浸啤酒浴米蘭血拼 戰利品瞬間失竊藝人李彩華（Rain）從內地返港不久，上月即出發往歐洲旅行兩星期，整個行程都由她一手一腳安排。她表示事前做了很多資料搜集，最後決定以倫敦為起點，再去米蘭、佛羅倫斯與布拉格等地，並帶備大批名牌服飾拍照。她此行最難忘就是在布拉格享受啤酒浴，笑言邊浸浴邊飲酒，感覺真的很過癮：「專登揀一間口碑好嘅幫襯，然後每人安排一個酒桶自浸，仲有個水龍頭，一開就有源源不絕嘅啤酒供應，仲可以選擇黑啤同白啤。我見有人浸浸吓好似飲到醉咗，自己都忍唔住笑。」李彩華在布拉格浸啤酒浴。邊飲邊浸感覺好過癮。提醒父母財物跟身有機會歐遊，Rain當然不會錯過去米蘭掃貨的機會，可惜商品選擇不多，她更連番遇上小偷！她說：「入到間間名店都好似冇乜嘢買，唔知係新貨未到，定係畀人買晒，所以今次唔算瘋狂入貨，反而終於見識到啲扒手好厲害！我放低袋新衫影相，轉頭已經唔見咗，仲有爸爸個袋畀人打開咗，偷咗入面一個放藥嘅袋，可能個賊發現冇錢會好嬲，好在我起程前提醒父母財物一定要跟身！」李彩華到了意大利睇比薩斜塔。在倫敦一站欣賞酒店窗外的美景。向來孝順的Rain，帶埋父母同歐遊，最喜歡倫敦的特色餐廳。佛羅倫斯美不勝收。李彩華喜歡布拉格的建築物。在布拉格拍下不少照片留念。雖然在米蘭遇小偷，但冇損她的心情，教堂夜景很美。李彩華過了一個難忘之旅。#李彩华#
李彩華布拉格浸啤酒浴米蘭血拼 戰利品瞬間失竊
