江美儀認與前夫關係好 一講復合即落閘：想歎吓新嘢視后江美儀今日（19日）出席《TVB賽馬日》，她表示會湊熱鬧小賭一下，講到工作近況，她透露下月會跟視帝陳山聰一齊拍攝政府宣傳片廣告：「我同佢講，我為咗同佢合作，今次大酬賓。」此外，美儀還應不少慈善團體及學校邀請參與活動及講座。問到無綫有否邀她傾簽約事宜？她坦言：「有傾，但未坐低傾，我都要諗吓我經理人。（定係簽邵氏？）真係未坐低傾，我要聽我經理人話，我同佢咁多年，唔可以放低佢。」江美儀出席《TVB賽馬日》活動。她透露下月會跟視帝陳山聰一齊拍攝政府宣傳片廣告。另外，美儀早前為有份演出的電影《易經風雲錄》包場，其前夫吳君祥及前奶奶冬嬸亦是座上客，她稱跟前夫關係向來好：「大家仲係朋友。（有冇機會復合？）雖然關係好，但我都想嘆吓新嘢，師傅話我60日內有桃花，否則就要等到11月，所以復合唔諗，大家唔好抹煞我嘅機會。（冬嬸有冇講啲乜？）冇特別，人要向前看。（前夫有冇咩表示？）冇表示，都係做朋友囉！」又認與前夫關係向來好，大家仲係朋友，不過就唔會考慮復合。江美仪
江美儀認與前夫關係好 一講復合即落閘：想歎吓新嘢
