【明報即時】梁詠琪EQ高 大方回應梁文禮批評 認自己有好大進步空間

【明報即時】梁詠琪EQ高 大方回應梁文禮批評 認自己有好大進步空間梁詠琪EQ高，大方回應梁文禮的批評。（林祖傑攝/Ig圖片）梁詠琪（Gigi）一連三場紅館《時間遇上我們演唱會》，昨晚（19日）舉行尾場。對於被商台DJ梁文禮明讚暗踩，Gigi說：「唔緊要！電影上畫都會有好或唔好評價，最緊要係我喺當中已盡咗最大努力，每一個意見我都會接受，的而且確我認為自己有很大嘅進步空間，都會不斷力求進步。」問可認為梁文禮是雙面人？她只說：「其實我冇睇，私下都唔太認識佢，所以唔使理會太多，做好自己本分，成個騷我都感受到大家好惜我，咁樣已好足夠。（認清一個人？）我覺得唔係好關我事。」演唱會出品人陳家倫對於梁文禮的留言則冷冷地說：「佢好出名？佢係咪時裝同音樂方面好有研究？既然佢唔係翹楚，就當係是一個普通人有自由批評同意見，好或唔好由觀眾自己評論。（不當一回事？）Nothing！」陳家倫表示完騷後，會讓Gigi好好休息，外界對演唱會的好令整個團隊感振奮，Gigi力求進步大家有目共睹，就讓事情告一段落，大家都放低向前行。（即時娛樂）梁咏琪