被鄭子誠求婚感動到喊　葉凱茵：老公真係要反省吓

被鄭子誠求婚感動到喊　葉凱茵：老公真係要反省吓「音樂情人」鄭子誠於無綫劇集《新四十二章》與葉凱恩有感情線，為博紅顏一笑，更不惜又唱又跳，上演浪漫求婚大龍鳳，此乃子誠繼《七公主》的「生果舞」後再度有新搞作，他受訪時自嘲手腳不協調，並指「生果舞」對他來說難度極高：「要喺邊個拍子做邊個動作係好唔協調，所以練得好辛苦，好彩嗰時係自己一個跳，有咩錯都可以兜得番。試過同成班藝人跳舞，Wide shot時淨係見到自己係唯一一個唔協調啫。」更指是次是將咸豐年的Disco舞步晒冷：「自由發揮都叫容易啲，最大難度係有番咁上下年紀，跳完差唔多斷氣咁滯。」鄭子誠於無綫劇集《新四十二章》與葉凱恩有感情線。為博紅顏一笑，子誠不惜又唱又跳，上演浪漫求婚大龍鳳。子誠笑指將咸豐年的Disco舞步晒冷。而於該場口中感動落淚的葉凱茵，事後笑言流的都是真眼淚，更打趣叫老公「反省吓」：「呢場戲超級感動，我老公冇咁做過，佢睇到真係要反省吓。好多謝監製寫場咁好嘅戲畀我留念。」更開心指與子誠的天台談情戲，其顏值贏盡親友好評：「同事啦、我老公仲有我個仔都讚，所有嘢都好配合，個妝啦、陽光啦、衫啦，簡直係我顏值嘅巔峰，真係好開心。我要多謝梳化服同埋攝影師，仲有導演監製。」而於該場口中感動落淚的葉凱茵指流的都是真眼淚。笑言該場戲超感動，會叫老公反省吓！