【娛樂熱話】食神林澄光美食速遞

【娛樂熱話】食神林澄光美食速遞《隱形戰隊》大搞首播日大食會《隱形戰隊》於昨日（3月7日）隆重首播，劇組特別安排首播日大食會，讓一班演員陳山聰、劉佩玥、劉穎鏇、江美儀、林子善及監製文偉鴻（Jazz）一齊食住飯睇首播。由於Jazz及部分演員現正為新劇《奪命提示》（暫名）開工，所以大食會移師到將軍澳電視廣播城錄影廠舉行，讓演員及工作人員放飯時，可以邊食飯邊看《隱形戰隊》第一集。由於張振朗亦正為新劇拍攝，所以也成為特別嘉賓，參與聚會。首播日大食會絕不馬虎，山聰邀請好兄弟、《吃貨橫掃曼谷》主持林澄光（Michael）幫手，準備豐富泰國美食，速遞到電視城，讓劇組品嚐，幫忙運美食入廠的山聰也笑說：「睇《隱形戰隊》第一集唔係『隊人』，係『隊嘢食』！」首集中有不少精彩情節，讓一班演員看得投入肉緊。當中最感人的一幕是回憶林子善角色喬帶囡因一次行動受到槍傷，被逼截肢的情節。一向是性情中人的子善知道這場戲將會播放時，忍不住避席不看，躲在一角喊。當他回到座位看餘下劇情，又忍不住睇到睇濕濕，十分感性。看畢第一集，一班演員也大讚子善在第一集最型最搶戲，監製Jazz亦笑說：「六大視帝視后係用來襯托你！」嚇到子善即說：「唔好玩我啦，我盡做！」他續說多謝Jazz多年來也找他拍劇，讓他嘗試演到不同角色。冇份演出《隱形戰隊》的振朗則大表妒忌，羨慕這套劇集將一班演員拍得好型，並慶幸Jazz有搵他拍新劇，笑說之後戲分不用替身，要多些親身上陣，拍型爆場口。陳山聰將美食速遞入錄影廠，江美儀及劉佩玥也有出手相助。豐富美食擺滿一張長枱，陳山聰也忍不住影張大堆頭美食圖。「食神」林澄光（左一）為大食會奉上多款泰菜，當中更有為初十五食齋的陳山聰及茹素的江美儀準備齋菜，十分有心。Jazz聯同一班演員準時入席，坐定定欣賞首集播放。林子善睇到中途，突然急步離開，原來是他不忍看到角色截肢的一幕。返回座位，林子善還未平伏心情，又看到眼濕濕。劉穎鏇與「媽咪」江美儀孖住睇劇，睇得好肉緊。（前排左起）張振朗、劉穎鏇、江美儀、文偉鴻、陳山聰、劉佩玥及林子善睇完第一集，大嗌不夠喉，想繼續睇下去。