林敏驄興奮再入Band房 鍾鎮濤一口答應做嘉賓藝人林敏驄今日（12日）在葵涌為將舉行的作品展演唱會與鍾鎮濤（阿B）、雷有輝等綵排。林敏驄與鍾鎮濤接受訪問，阿驄對再入Band房感覺興奮，笑言現在5年才彈一次結他，大讚阿B一口一應承擔任嘉賓，笑言阿B是他的劇集粉絲。阿B表示已很久沒有在香港現場表演，心情也很興奮，對阿驄亦自然撐到底，講到酬勞是否友情價？阿驄搶答說：「叫佢上我Office任攞。」阿B則說：「佢得支爛鬼結他，唔講呢啲難得相聚，平時約食飯就推來推去，最好就係一齊做嘢。」問到阿驄是否成功邀請關淑怡做嘉賓？他說：「覆唔到呀，可能要搵佢老竇關帝。」至於，譚詠麟又可會參與演出？他則笑言：「請佢都唔到啦，呢啲咁嘅人，要嚟就會嚟。」講到他劇中女兒郭柏妍與丁子朗傳拍拖？他說：「唔關我事，我走先，如果佢哋到時嚟，你哋再問佢。」林敏驄興奮再入Band房。鍾鎮濤一口答應做嘉賓。力撐到底！林敏聪
林敏驄興奮再入Band房 鍾鎮濤一口答應做嘉賓
