王浩信葉蒨文原來係波友 落場一決高下！歌手葉蒨文（Sally）雖然已61歲，近年都係以一頭銀髮示人，不過佢每次上鏡都面色紅潤，風采依然，絕對係佢多年嚟Keep住做運動嘅成果，而有網民近日分享咗一系列Sally打羽毛球嘅照片，睇到Sally落到場有姿勢有實際，熱身拉筋嗰陣，仲可以輕鬆做出一字馬，認真犀利！有網友仲留意到視帝王浩信都原來係Sally波友，激罕睇到佢哋 一齊落場打波嘅相呀！其實翻查資料，王浩信曾經喺2006年擔任無綫節目《星級育樂王》主持，當時Sally就係其中一集嘅嘉賓，佢哋喺節目中分享打羽毛球經驗，仲即場對打，當時王浩信仲輸咗畀Sally添！王浩信平時都鍾意打波。原來王浩信當年做主持，訪問過Sally。仲一齊分享打羽毛球經驗。王浩信落場啦！Sally有姿勢有實際。嚟張大合照先！王浩信叶蒨文
王浩信葉蒨文原來係波友 落場一決高下！
