【新劇造型會】

【新劇造型會】陳煒忍痛剪短髮　被滾粥㷫傷手藝人陳煒與馬德鐘今日（31日）出席無綫劇集《非常檢控觀》試造型，剪了一頭清爽髮型的陳煒，表示為配合角色忍痛剪髮：「留咗廿幾年長髮，今次係第一次剪到咁短。（習唔習慣？）Ok，都幾爽。（老公呢？）佢仲未睇慣，其實今次主要為變而變，想畀以前有種耳目一新感覺。」談到再與馬德鐘合作，陳煒坦言雙方已有默契，但相比以往，今次要全程懷恨在心演繹：「我哋係初戀，但後來嫁咗畀佢哥哥，加上我演大律師，有好多案件係同馬德鐘演嘅檢控觀對立，我哋係會借案件去針對對方。」劇中患有鏡反射觸覺症的馬德鐘，會感應到別人的痛，他表示角色相當複雜，故要在家中反覆練習。手背貼上膠布的陳煒，透露被滾粥㷫傷：「仲要係白粥，平時好少可咁大頭蝦，依家有水泡，要等佢慢慢好。」而演陳煒後生版的梁超怡，對於未卸任已被安排入劇組表示興奮：「好榮幸，又有啲緊張，今次角色會周旋吳子沖同阮浩棕嘅感情之間，但應該唔便獻螢幕初吻。（有咩要準備？）要讀熟劇本，唔止係自己角色，仲要知道個故事點發生，會上網睇多啲片同請教前輩。」陳煒聞言即場傳授心得：「你做我個角色完全相反嘅嘢都得，因為角色長大後有轉變，所以你可以盡情可愛。」而應屆港姐季軍梁超怡，成為首位入劇組的港姐，未卸任已被安排入劇組，超怡興奮表示在劇中演陳煒年輕版：「好榮幸，但又緊張，角色有感情戲周旋在吳子沖同阮浩棕之間。（獻出初吻？）應該不用。（如何做準備？）最重要讀熟劇本，要知道故事如何發生，會上網睇多些影片和請教前輩。」問陳煒可有心得傳授？她對超怡說：「你做我完全相反都可以，因為角色之後才有轉變，所以你可以盡情可愛。」吳偉豪、蔣家旻與陳曉華在新劇《非常檢控觀》中合作，三人同是高層樂易玲口中的「力捧名單」，對於獲高層點名力捧，吳偉豪笑言：「一直感覺被力捧，因為工作真的非常之多，有好多劇、亦可以拍到《愛·回家之開心速遞》。（會因被力捧而和周嘉洛一樣離組？）會暫別，好似之前拍《回歸》都有暫別，公司都想我暫時專注在新劇。」對於爸爸吳大強會否客串？他稱未知是否安排到。而曉華對於被力捧感榮幸，她說：「因為我試過一年沒工作，所以一直都將每個機會視為最後一次。（有壓力？）未有這講法我都一直畀壓力自己，以前會比較怕講話，現在會嘗試畀些意見，希望演出好一些。」家旻則表示：「公司一直畀機會我，以前是妹妹，近年安排我轉形象，演成熟角色、成績都好。（拎女配值得捧？）唔好咁講，聽到好大壓力，每次都是由零開始，會和之前不同，今次半忠半奸。（和李成昌合作演父女？）今次我不會畀機會昌哥施暴，會大義滅親！」講到好姊妹湯洛雯發文，被指在春天舉行婚禮，家旻說：「前排有食飯，未收到消息。（口窒窒？）唔係演緊戲所以才會口窒！」家旻表示未知好姊妹婚期，屆時也要和公司度期，她又表示未必做姊妹，當時朱千雪與岑杏賢結婚，她們也只是賓客享受婚禮，笑言也想在靚湯婚禮上搶到花球。